முதல் தந்திரம் - 1. சிவபரத்துவம் | போற்றிசைத் தும்புகழ்ந் தும்புனி தன்னடி தேற்றுமின் என்றுஞ் சிவனடிக் கேசெல்ல மாற்றிய தென்று மயலுற்ற சிந்தையை மாற்றிநின் றார்வழி மன்னிநின் றானே. | திருமந்திரம்

ஓம் நமசிவாய

முதல் தந்திரம் - 1. சிவபரத்துவம்

பதிகங்கள்

போற்றிசைத் தும்புகழ்ந் தும்புனி தன்னடி
தேற்றுமின் என்றுஞ் சிவனடிக் கேசெல்ல
மாற்றிய தென்று மயலுற்ற சிந்தையை
மாற்றிநின் றார்வழி மன்னிநின் றானே.

English Meaning:

Firm In Minds Firm
Sing His praise, sing of His Holy Feet!
Pour all your treasures at Siva`s Sacred Feet!
And they who shake off the clouded eye and disturbed mind.
With them He ever stood, benignantly firm.

Tamil Meaning:

`நமது மனமே நம்மை நன்னெறியினின்று மாற்றி விட்டது` என்பதை உணர்ந்து, மயக்கம் பொருந்திய அம்மனத்தை மாற்றித் தெளிந்தவரது வழியிற்றான் சிவபெருமான் மறைவின்றி விளங்கி நிற்கின்றான். அதனால், உலகீர், அவனது திருவடி நிழலில் செல்வதற்குப் பன்முறை வணக்கம் கூறியும், பலவாற்றால் புகழ்ந்து பாடியும் அவனது திருவடிகளை என்றும் தெளிந்து நின்மின்கள்.