நான்காம் தந்திரம் - 8. ஆதார ஆதேயம் | இருந்தனள் ஏந்திழை என்னுளம் மேவி திருந்து புணர்ச்சியில் தேர்ந்துணர்ந் துன்னி நிரந்தர மாகிய நீர்திசை ஓடு பொருந்த விலக்கில் புணர்ச்சி அதுவே. | திருமந்திரம்

ஓம் நமசிவாய

நான்காம் தந்திரம் - 8. ஆதார ஆதேயம்

பதிகங்கள்

இருந்தனள் ஏந்திழை என்னுளம் மேவி
திருந்து புணர்ச்சியில் தேர்ந்துணர்ந் துன்னி
நிரந்தர மாகிய நீர்திசை ஓடு
பொருந்த விலக்கில் புணர்ச்சி அதுவே.

English Meaning:

She Entered in Union Wondrous and Abiding

The Mother invaded my heart
And there resided
In union perfect intense,
And in wonder abiding,
And in that Cranium Centre She was,
That, indeed, is union true.

Tamil Meaning:

சத்தி, யான் உள்ளம் திருந்தித் தன்னை அடைய விரும்பிய நிலையில் அந்நிலையை நன்குணர்ந்து அவளும் எனது உள்ளத்தை விரும்பி, அதன்கண் இருப்பாளாயினாள். அவ் இருப்பு, இடையறாது ஓடும் நீர், தான் ஓடுகின்ற திசையை நோக்கி ஓடும் ஓட்டத்தை ஒப்ப இடையறாது இருக்கும் இருப்பாம்.

Special Remark:

``திருந்து புணர்ச்சியில்`` என்பதில், `புணர்ச்சி` என்பது அதனை விரும்பி நின்ற காலத்தைக் குறித்தது.
இதனால், சத்தி பக்குவான்மாக்களது உள்ளத்தையே விரும்பி அவற்றில் இடையறாது விளங்குதல் கூறப்பட்டது.

Listen to all Thirumandhiram Songs with Lyrics

Open Music Player

அன்புடன் உணவு பகிர்வோம், ஒவ்வொரு தட்டிலும் அன்பை பகிருங்கள்

மேலும் தெரிந்துகொள்ள