நான்காம் தந்திரம் - 13. நவாக்கரி சக்கரம் | கொண்ட கனங்குழை கோமுடி ஆடையாய்க் கண்டஇம் மூர்த்தம் கனல்திரு மேனியாய்ப் பண்டமர் சோதிப் படரித ழானவை உண்டங் கொருத்தி உணரவல் லாருக்கே. | திருமந்திரம்

ஓம் நமசிவாய

நான்காம் தந்திரம் - 13. நவாக்கரி சக்கரம்

பதிகங்கள்

கொண்ட கனங்குழை கோமுடி ஆடையாய்க்
கண்டஇம் மூர்த்தம் கனல்திரு மேனியாய்ப்
பண்டமர் சோதிப் படரித ழானவை
உண்டங் கொருத்தி உணரவல் லாருக்கே.

English Meaning:

Form of Klim Sakti in the Chakra

Bedecked in jewels of gold,
With ear-rings, crown, and apparel fine,
Like the choicest peral, and of crimson-hued form,
And on lotus petals seated,
There She is,
For those who on the Chakra meditate.

Tamil Meaning:

மணிகளால் கனமான குழை, அரசு முடி நல்ல ஆடை இவைகளை உடையதாய்க் காணப்படுகின்ற இவ்வடிவம் நெருப்புப் போன்றதாய் இருக்க, இயல்பாகவே பல இதழ்களை யுடைய விளக்கம் மிக்க தாமரைமலர் இருக்கையில் எழுந்தருளியிருக் கின்ற ஒருத்தி, தன்னை உணரவல்லவர்க்குத் தன் இருப்புத் தோன்ற நிற்பாள்.