• Prev
• 1
• 2
• 3
• 4
• 5
• 6
• Next

இவன்இல்லம் அல்ல(து) அவனுக்கங் கில்லை
அவனுக்கு வேறில்லம் உண்டா அறியின்
அவனுக்கு இவன்இல்லம் என்றென் றறிந்தும்
அவனைப் புறம்பென்(று) அரற்றுகின் றாரே.

English Meaning:

Lord is in the Body

None the habitation the Lord has
But the body-house of Jiva;
Or has the Lord any other home?
Let them find out;
Even after having found out
That Jiva`s body is Siva`s home
They say, ``He (Lord) is outside. ``

Tamil Meaning:

`சிவனுக்கென்று சுத்த தத்துவங்களில் உலகங்கள் உள்ளன` எனக் கூறப்படுவன, அவனுக்காக அமைக்கப்பட்டன அல்ல இந்தச் சிவகுருவுக்காக அமைக்கப்பட்டனவே. (ஏனெனில், சிவனுக்கு இருக்க ஓர் இடம் தேவையில்லை. சிவகுருவுக்கு, மாசுடம்பு நீங்கிய வுடன் இருக்க ஒரு தூய இடம் வேண்டும்.) `சுத்த தத்துவ உலகம் தவிர, அவற்றின் வேறாகச் சிவனுக்கென்றே இடம் இருக்கின்றது` என்று சொன்னால் அந்த இடம் இந்தச் சிவகுருதான். இதை உண்மை நூல்கள் பலவற்றால் அறிந்தும் சிலர், `குருமடம் வேறு; சிவனது உலகம் வேறு` எனக் கூப்பாடு செய்கின்றனர்.

Special Remark:

`குருமடம் சிவலோகமே` என்றபடி. ``இல்லம்`` என்பதை ``அங்கு`` என்பதன் பின்னும் கூட்டுக. மூன்றாம் அடியில், `சிவனே` என்னும் பிரிநிலை ஏகாரம் தொகுக்கப்பட்டது. (அவனுக்கு இல்லம் இவனே` என மாற்றிக்கொள்க. ``என்று என்று`` என்னும் அடுக்கு, பலமுறை கற்றும், கேட்டும் அறிதலைக் குறித்தது` ``அவனைப் புறம்பென்று`` என்பதற்குக் கருத்து நோக்கி, இவ்வாறு உரைக்கப்பட்டது.
இதனால், `குருமட தரிசனம், சிவலோக தரிசனமே` என அதனது சிறப்புக் கூறப்பட்டது. `அவ்விடம் திருவருள் விளக்கம் நிரம்பியுள்ள இடம்` என்பது கருத்து.