ஐந்தாம் தந்திரம் - 4. கடுஞ் சுத்த சைவம் | சாற்றரி தாகிய தத்துவம் சித்தித்தால் ஆற்றரி தாகிய ஐந்தும் அடங்கிடும் மேற்றிகழ் ஞானம் விளக்கொளி யாய்நிற்கும் பாற்பர சாயுச்சிய மாகும் பதியே. | திருமந்திரம்

ஓம் நமசிவாய

ஐந்தாம் தந்திரம் - 4. கடுஞ் சுத்த சைவம்

பதிகங்கள்

சாற்றரி தாகிய தத்துவம் சித்தித்தால்
ஆற்றரி தாகிய ஐந்தும் அடங்கிடும்
மேற்றிகழ் ஞானம் விளக்கொளி யாய்நிற்கும்
பாற்பர சாயுச்சிய மாகும் பதியே.

English Meaning:

When This Truth Dawns Then is Union in Siva

When this Truth, beyond words, you perceive
The Siva Tattvas five bend below;
The light of Supreme Jnana dawns,
Illumines the Soul`s path
To the Finite goal
Of Sayujya union in Lord.

Tamil Meaning:

சொல்ல இயலாத மேற்குறித்த உண்மை நிலை கிடைக்கப்பெற்றால், பொறுத்தற்கரிய ஐம்புலன்களும் தம் குறும்புகள் நீங்கி அடங்கிவிடும். பாசஞான பசு ஞானங்களைக் கடந்து மேலாய் விளங்கும் பதிஞானம் நொந்தா விளக்குபோல நிலைபெற்று ஒளிரும். அதன் பயனாகப் பின்னர்ப் பதிப்பொருள், மேலான சாயுச்சியமாய்க் கிடைக்கும்.